कॅन मध्ये डिझेल देण्याची परवानगी व पंपावरील कर्मचाऱ्यांना पोलीस संरक्षणाची मागणी

परभणी (प्रतिनिधी ) परभणी जिल्हयातील पेट्रोल व डिझेल डिलर्सच्या समस्या बाबत जिल्हाधिकारी परभणी यांना 3 मे रोजी निवेदन देण्यात आले.दिलेल्या निवेदनात परभणी जिल्हयातील सर्व कंपनीच्या डिलर्सना खालील प्रमाणे अडचणींचा सामना करावा लागत आहे.

डिलर्सचे कंपनीकडे अॅडव्हान्स रक्कम जमा असुन देखील दोन दोन दिवस टैंकर मीळत नाही, त्यामुळे तुटवडा निर्माण होउन कृत्रीम टंचाई निर्माण होत असल्याने कायदा व सुव्यवस्थेचा प्रश्न निर्माण होत आहे. त्या मुळे पंपावर गर्दी होउन बरयाच ठिकाणी मारहाणीच्या घटना घडल्या आहेत.
सध्या शेतीच्या मशागती चे कामे जोरात सुरू असल्याने त्यासाठी लागणारी वाहाने ज्यामध्ये ट्रॅक्टर, जेसीबी, पोकलैंड, आदींना इंधन म्हणुन डिझेल लागते, प्रत्येक वेळी शेतकरी आपले वाहन घेउन पंपावर येउ शकत नाही, त्यामुळे त्यांना कॅन मध्ये डिझेल द्यावे लागते, तसे न दिल्यास शेतकरी व जमाव आक्रमक होत आहे, शेतकऱ्यांची गैरसोय होउ नये म्हणुन त्यांना कॅन मध्ये डिझेल देण्याची परवानगी दयावी, सध्या वारंवार विज खंडित होत असल्याने जनरेटरचा वापर वाढला असल्याने जनरेटरचा वापर करणारे जसे की हॉस्पीटल अस्थापना, शासकिय कचेऱ्या व इतर नागरी सुवीधा विजेसाठी जनरेटरवर अवलंबून असल्याने त्यांना देखील कॅन मध्ये डिझेल न्यावे लागते, म्हणून त्यांना कॅन मध्ये डिझेल देण्याची परवानगी दयावी,
पंपावर गर्दी झाल्यास कायदा व सुव्यवस्थेचा प्रश्न निर्माण होत आहे, त्या वेळी पंपावरील कर्मचारयांना पोलीस संरक्षण देण्यात यावे.
आणि परभणी जिल्हयातील एकुण पेट्रोल व डिझेलची मागणी पाहता व सध्या लग्नसराई चालु असल्याने पुरवठा तुटपुंजा पडत आहे,
आपण सर्व ऑइल कंपन्यांच्या आधिकाऱ्यांची तातडीची बैठक घेवुन पुरवठा सुरळीत करण्या साठी आदेशीत करावे, अशी मागणी केली आहे.
निवेदनावर अमोल मुरलीधरराव भेडसुरकर

अध्यक्ष परभणी जिल्हा पेट्रोल व डिझेल डिलर्स संघटना परभणी,मिलींद सावंत सचिव परभणी जिल्हा पेट्रोल व डिझेल डिलर्स संघटना परभणी, यांच्या स्वाक्षऱ्या आहेत.