सेलूत अजित पवारांना सर्वपक्षीय श्रद्धांजली

सेलू ( प्रतिनिधी ) काल 28 जानेवारी रोजी महाराष्ट्राचे उपमुख्यमंत्री अजित दादा पवार यांचे विमान दुर्घटनेत अपघाती निधन झाल्याने महाराष्ट्रावर शोककळा पसरली. याच पार्श्वभूमीवर आज सेलू येथे साई नाट्यगृहात सर्वपक्षीय श्रद्धांजली कार्यक्रमाचे आयोजन करण्यात आले होते.

श्रद्धांजली कार्यक्रमाचे अध्यक्षस्थानी साईबाबा बँकेचे चेअरमन हेमंतराव आडळकर यांची उपस्थिती होती. यावेळी सेलू नगरपरिषदेचे नगराध्यक्ष मिलिंद सावंत, राष्ट्रवादीच्या वतीने प्रेक्षाताई भांबळे, राम नाना खराबे, रामेश्वर पोळ, प्राचार्य डॉ. शरद कुलकर्णी, प्राचार्य डॉ. व्ही के कोठेकर सेलू पत्रकार संघाच्या वतीने मोहम्मद इलियास, सहअदी मान्यवरांनी अजितदादा विषयी आपल्या भावना त्यांच्या संबंधी असलेले प्रेम आणि त्यांच्या कार्य प्रणाली बाबत माहिती दिली तसेच दादाच्या जाण्यामुळे महाराष्ट्राची किती मोठी हानी झाली व ही हानी भरून निघणार नाही याबाबत भावना व्यक्त केल्या.
श्रद्धांजली कार्यक्रमासाठी सेलू तालुक्यातील सर्वच पक्षाचे राजकीय, शैक्षणिक सामाजिक सांस्कृतिक सर्व क्षेत्रातील मान्यवरांनी मोठ्या प्रमाणात उपस्थिती दर्शवली होती.
कार्यक्रमाचे सूत्रसंचालन सुभाष मोहकरे यांनी केले. दादांना व पवार कुटुंबांना या दुःखातून सावरण्यासाठी ईश्वराने शक्ती देवो यासाठी श्रद्धांजली वाहून कार्यक्रमाची सांगता करण्यात आली.