सेलू येथे आयोजित महासमाधान शिबीराचा समारोप उत्साहपूर्ण वातावरणात संपन्न

सेलू ( प्रतिनिधी ) सेलू येथे महासमाधान शिबीराचा समारोप उत्साहपूर्ण वातावरणात संपन्न झाला या समारोप प्रसंगी मार्केट कमिटी सभापती तथा जि.प. सदस्य डॉ. संजय रोडगे यांनी शेतकऱ्यांसह सर्वसामान्य नागरिकांच्या विविध प्रश्नांवर ठाम भूमिका मांडली.

पिकविमा, शेतरस्ते, पाणंद रस्ते, घरकुल, सिंचन विहिरी, सोलार पंप, मस्टर, नवीन विहीर, गोठा यांसारख्या शेतकरी हिताच्या योजनांचा लाभ तात्काळ मिळावा, अशी त्यांनी आग्रही आणि ठोस मागणी केली…!

तसेच शेतकरी, शेतमजूर, विद्यार्थी, दिव्यांग, विधवा, परित्यक्ता, निराधार महिला, अल्पसंख्याक, मागास प्रवर्ग व ग्रामीण भागातील नागरिकांना शासनाच्या विविध योजनांचा लाभ जलद गतीने मिळावा, यासाठी प्रशासनाने तत्परतेने कार्यवाही करावी, असेही त्यांनी स्पष्टपणे नमूद केले.
यावेळी अप्पर विभागीय आयुक्त डॉ. प्रतापजी काळे यांनी देखील डॉ. रोडगे यांनी मांडलेल्या सर्व मागण्यांची तात्काळ अंमलबजावणी करण्याचे निर्देश संबंधित यंत्रणांना दिले.
कार्यक्रमास अप्पर विभागीय आयुक्त डॉ. प्रतापजी काळे, अप्पर जिल्हाधिकारी शोभादेवी जाधव, नगराध्यक्ष मिलिंद सावंत, तहसीलदार डॉ. शिवाजी मगर, नायब तहसीलदार विजय मोरे, उपजिल्हा रुग्णालयाचे वैद्यकीय अधीक्षक डॉ. संजय हरबडे, नायब तहसीलदार गजानन इनामदार, पंचायत समिती सदस्या निर्मला आवटे आदी मान्यवरांची प्रमुख उपस्थिती होती.