पेट्रोलिंग दरम्यान शॉर्टसर्किट ची घटना सेलू पोलिसांच्या निदर्शनास आल्याने मोठी दुर्घटना टळली

सेलू ( प्रतिनिधी ) सेलू येथील बांधकामाधीन इमारतीच्या ठिकाणी शॉर्टसर्किट होऊन आग लागल्याचे नाईट गस्त पेट्रोलिंग करत असताना पेट्रोलिंग दरम्यान पोलिसांच्या निदर्शनास आल्याने मोठी दुर्घटना टळली.

या बाबत अधिक माहिती अशी कीसोमवार दि. 06 जुलै रोजी रात्री 01 च्या सुमारास सेलू पोलीस ठाण्यातील पोलीस शिपाई 1543 सोपान डुबे व  पोह/690 गजानन जायभाये
रात्रीच्या गस्तीवर असताना मंठा रोडने  जात होते तेव्हा रस्त्याच्या कडेला असलेल्या एका बांधकामाधीन इमारतीच्या ठिकाणी अचानक आग लागल्याचे व धूर निघत असल्याचे त्याच्या निदर्शनास आले.
​त्यांनी तात्काळ परिस्थितीचे गांभीर्य ओळखून तात्काळ गाडी थांबवून घटनास्थळाकडे धाव घेतली.​ घटनास्थळाची परिस्थिती तिथे जाऊन पाहिले असता, त्या ठिकाणी सुरक्षेसाठी तैनात असलेले वॉचमन  नारायण शिवाजी होळकर रा. लोकमंगल नगर सेलू, ता. सेलू  हे गाढ झोपलेले होते. त्यांच्या अगदी जवळच असलेल्या कुलरच्या वायरमध्ये शॉर्ट सर्किट झाले होते आणि त्यामुळे तिथे आग लागली होती. आग हळूहळू पसरत होती.​बचाव व आग आटोक्यात आणणेत्यांनी तात्काळ झोपलेल्या वॉचमनला उठवून सुरक्षित बाजूला केले, ज्यामुळे त्याचा जीव वाचला. तसेच वेळेवर कुलरचा वीज पुरवठा खंडित करून आजूबाजूला असलेल्या साहित्याच्या मदतीने आगीवर नियंत्रण मिळवले. पोलिसांच्या प्रसंगावधणामुळे वॉचमन चा जीव वाचून मोठी दुर्घटना तळली या तत्परतेमुळे सेलू पोलीस ठाण्याचे पोलीस निरीक्षक अरुण नांगरे यांनी दोन्ही पोलीस शिपायांचे कौतुक केले.