शारदा विद्यालयात व्यवसाय व उद्योजकता मार्गदर्शन प्रशिक्षणास सुरूवात

सेलू ( प्रतिनिधी ) जिल्हा शिक्षण व प्रशिक्षण संस्था, पंचायत समिती शिक्षण विभाग सेलू आणि राधाबाई किशनराव कान्हेकर शारदा विद्यालय यांच्या संयुक्त मुख्याध्यापक आणि शिक्षकांसाठी आयोजित दोन दिवसीय सेलू तालूकास्तरीय व्यवसाय व उद्योजकता मार्गदर्शन प्रशिक्षणास २३ मार्च २०२६ रोजी उत्साहात सुरुवात झाली.

उद्घाटन समारंभाच्या अध्यक्षस्थानी गटशिक्षणाधिकारी गजानन वाघमारे होते. प्रमुख पाहुणे म्हणून केंद्रप्रमुख एकनाथ जाधव, गटसमन्वयक सुनीता काळे, मुख्याध्यापक डी.डी. शिंदे, सुलभक सु.ल.जोशी, सुभाष मोहकरे, प्रदीप कांबळे, वालूर जिप प्रशालेचे मुख्याध्यापक गणेश वीसपुते यांची उपस्थिती.गटशिक्षणाधिकारी गजानन वाघमारे म्हणाले, की विद्यार्थी ऊर्जैचे स्रोत आहेत, विद्यार्थ्यांमध्ये ज्ञान, क्षमता, व्यवसाय कौशल्य वृद्धिंगत करण्याच्या आणि उद्योग व्यवसायिकतेचे धडे देण्याच्या उद्देशाने हे प्रशिक्षण आयोजित करण्यात आले आहे. प्रशिक्षणात
गटकळ करिअर ॲकडमीचे संचालक प्रा. रामेश्वर गटकळ यांनी “संरक्षण दलातील करिअरच्या संधी” या विषयावर मार्गदर्शन केले. प्रा.गटकळ म्हणाले, की शिक्षणात शिक्षक, पालक विद्यार्थी भूमिका महत्त्वाची आहे. स्पर्धा परीक्षेसाठी भाषा, गणित, बुद्धिमत्ता आणि सामाजिक शास्त्र विषयावर भर देणे तसेच चालु घडामोडी आणि सामान्यज्ञान अद्ययावत माहिती ठेवणे आवश्यक आहे. एकलव्य सायन्स ॲकडमीचे प्रवीण चव्हाण यांनी ” करिअर नियोजन व स्व जाणीव” या विषयावर, डॉ.योगेश सावंगीकर “मानसिक आरोग्य व करिअर नियोजन” तर
“राष्ट्रीय शैक्षणिक धोरण २०२० आराखडा आणि व्यवसाय शिक्षण” या विषयावर सु.ल.जोशी‌ यांनी, तर ” “व्यवसाय शिक्षण अर्थ स्वरूप” यावर सुभाष मोहकरे यांनी मार्गदर्शन केले. सूत्रसंचालन एस.बी.मोहकरे यांनी केले. प्रास्ताविक सुनीता काळे यांनी केले मुख्याध्यापक डी.डी.शिंदे यांनी आभार मानले.