एसएससी बोर्ड परीक्षेत सेलू तालुक्यात 2415 विद्यार्थी प्रविष्ट

सेलू ( प्रतिनिधी ) महाराष्ट्र राज्य उच्च माध्यमिक बोर्ड परीक्षा2026 साठी सेलू तालुक्यात 2415 विद्यार्थी प्रविष्ट झाले त्यात मराठी माध्यमाचे 2256 तर उर्दू माध्यमाचे 159 विद्यार्थी आहेत.

आज मराठी विषयाच्या पेपर ने परीक्षेची सुरुवात झाली. एसएससी परीक्षा साठी सेलू तालुक्यात एकूण सहा केंद्र असून नूतन विद्यालय सेलू 537 नूतन कन्या प्रशाला 561, न्यू हायस्कुल 411 केबा विद्यालय 317 जि प प्रशाला वालूर 365 शांताबाई नखाते आश्रम शाळा देवगाव फाटा 224 असे एकूण 2415 विद्यार्थी या परीक्षेसाठी तालुक्यात प्रविष्ट झाले आहेत.
प्रशासनातर्फे एसएससी परीक्षेसाठी कॉपीमुक्त अभियान राबवले जात असून प्रत्येक केंद्रावर सीसीटीव्ही कॅमेऱ्याची नजर आहे. परीक्षेदरम्यान दरम्यान कोणताही अनुचित प्रकार घडू नये म्हणून गटशिक्षणाधिकारी गजानन वाघमारे लक्ष ठेवून आहेत. त्यांनी आज तालुक्यातील दोन परीक्षा केंद्रांना भेटी दिल्या आणि परीक्षेची पाहणी केली.