नूतन विद्यालय शिक्षण संस्थेच्या पाच विद्यार्थ्यांना सिल्वर तर एक ब्रांझ पदक

सेलू ( प्रतिनिधी ) प्रतिष्ठित होमी भाभा बाल वैज्ञानिक परीक्षा (अंतिम फेरी) मध्ये नूतन विद्यालय शिक्षण संस्थेच्या बाहेती बिहाणी नूतन इंग्लिश स्कूल च्या कु.सोळंके जीवन प्रभाकर (सिल्वर मेडल) सोनवणे स्नेहा पंढरीनाथ* (सिल्वर मेडल) ,बिरादार तन्वी भिमराव (सिल्वर मेडल) नूतन विद्यालयाच्या कु.धनश्री विलास शेळके सिल्वर मेडल कु.आर्या लक्ष्मीकांत कुलकर्णी सिल्वर मेडल तर देऊळगावकर आध्या भुजंग ब्रांझ पदक प्राप्त झाले आहे.

या संस्थेच्या विद्यार्थ्यांनी उल्लेखनीय यश संपादन करून शाळेच्या शैक्षणिक गुणवत्तेचा ठसा उमटवला आहे.
संस्थेतील विद्यार्थ्यांच्या यशाबद्दल नूतन विद्यालय शिक्षण संस्थेचे अध्यक्ष डॉ. एस एम लोया, उपाध्यक्ष डी के देशपांडे, सचिव डॉ. विनायकराव कोठेकर, नूतन विद्यालय शिक्षण संस्थेचे सहसचिव जयप्रकाश बिहाणी, नंदकिशोर बाहेती, प्रशासकीय अधिकारी डॉ. शरद कुलकर्णी, नूतन विद्यालय शिक्षण संस्थेतील सर्व मुख्याध्यापक उपमुख्याध्यापक पर्यवेक्षक व शिक्षकांच्या वतीने विद्यार्थ्यांचे अभिनंदन करून पुढील वाटचालीस शुभेच्छा दिल्या आहेत.