सेलूत पांढरा कोड त्वचा प्रत्यारोपणाची यशस्वी शस्त्रक्रिया

सेलू (प्रतिनिधी ) त्वचेचा पांढरा कोड असणाऱ्या रुग्णांवर ” नॉन कल्चरल मेलनो साईड ट्रान्सपर्ट” म्हणजेच त्वचेला रंग देणाऱ्या पेशींचे प्रत्यारोपण करण्याची यशस्वी शस्त्रक्रिया त्वचारोग तज्ज्ञ डॉ.शैलेश मालाणी यांनी केल्या आहेत त्यामुळे त्वचेचा पांढरा कोड असणाऱ्या रुग्णांना मोठा दिलासा मिळाला आहे.

अधिक माहिती अशी की त्वचेचा पांढरा कोड असणाऱ्या रुग्णांना दोन वर्षांपासून पांढऱ्या कोडाच्या आकारात वाढ होत नसेल तर अशा रुग्णांचे त्वचा प्रत्यारोपण यशस्वी पणे करता येते, या त्वचा प्रत्यारोपणाची शस्त्रक्रिया एका दिवसात पूर्ण होते त्या मुळे रुग्णांना हॉस्पीटल मध्ये मुक्कामी थांबण्याचीही आवश्यकता नाही. शस्त्रक्रीये नंतर सहा महिन्यात त्वचेवरील पांढरे कोडाचे डाग नाहीसे होतात ,तसेच त्वचेशी संबंधीत पंचग्राफ्टींग, स्पीट थीकनेस स्कीन ग्राफ्टींग, सक्शन ब्लिस्टर ग्राफ्टिंग या शस्त्रक्रिया ही सेलूत होत आहेत अशी माहिती डॉ.शैलेश शिवणारायण मालाणी यांनी दिली. पांढऱ्या कोडावरील त्वचा प्रत्यारोपणाच्या शस्त्रक्रिया करण्यासाठी विद्यर्भातील रुग्ण सेलूत येवून उपचार घेत आहेत त्या मुळे परभणी जिल्हयासह मराठवाड्यातील त्वचेच्या पांढऱ्या कोडाच्या रुग्णांना मोठा दिलासा मिळाला आहे.