उपविभागीय अधिकारी सौ. कावली मेघना यांनी नवमतदारांना ईव्हीएम बाबत  दिली माहिती

सेलू ( प्रतिनिधी ) इलेक्ट्रॉनिक वोटिंग मशीन बाबत जनजागृती करण्यासाठी गुरुवार दि. 28 डिसेंबर रोजी सेलू तालुक्यातील नितीन माध्यमिक व उच्च माध्यमिक विद्यालय आहेरबोरगाव या गावात जनजागृतीचा कार्यक्रम राबविण्यात आला.

या कार्यक्रमामध्ये उपविभागीय अधिकारी सौ. कावली मेघना यांनी नवमतदारांना ईव्हीएम बाबत सविस्तर माहिती दिली.  तसेच सेलू तालुक्याचे तहसीलदार श्री दिनेश झापले यांनी मतदार जनजागृती कार्यक्रमबाबत सेलू तालुक्यात राबविण्यात येणाऱ्या विविध उपक्रमाविषयी माहिती दिली. व्यासपीठावर उपस्थित असलेले संस्थेचे अध्यक्ष श्री राजेंद्र काका लहाने यांनी लोकशाही सुदृढ करण्यासाठी मतदारराजा कशाप्रकारे कार्य करू शकतात याची उपस्थितांना जाणीव करून दिली. कार्यक्रमाच्या यशस्वीतेसाठी मुख्याध्यापक श्री सर्जेराव लहाने आणि शाळेतील सर्व कर्मचारीवृंद तसेच मास्टर ट्रेनर डॉ.संतोष मलसटवाड, श्री यादव नारायणकर, श्री अमोल गिरी, पोलीस कर्मचारी श्री भवाल अशा सर्वांनी सहभाग घेतला. सूत्रसंचालन श्री सोळंके यांनी केले.