साईबाबा नागरी सहकारी बँक आष्टी शाखेचा माजी मंत्री, आमदार बबनराव लोणीकर यांच्या शुभ हस्ते लोकार्पण सोहळा

सेलू ( प्रतिनिधी ) साईबाबा नागरी सहकारी बँक मर्यादित, सेलू यांच्या आष्टी शाखेचा लोकार्पण सोहळा दिनांक ०५ जून २०२५ रोजी सकाळी ११:०० वाजता थाटामाटात संपन्न झाला. या शुभप्रसंगी बँकेचे सभासद, ठेवीदार, ग्राहक आणि हितचिंतक यांच्या उत्साहपूर्ण सहभागामुळे हा कार्यक्रम अत्यंत यशस्वी ठरला. बँकेच्या विस्ताराच्या दृष्टीने हा एक महत्त्वाचा टप्पा आहे, जो आष्टी परिसरातील नागरिकांना आर्थिक सेवा प्रदान करण्यासाठी नवीन संधी उपलब्ध करेल.

मा. श्री. बबनराव लोणीकर, माजी मंत्री तथा आमदार, परतूर-मंठा यांच्या शुभहस्ते या शाखेचे उद्घाटन करण्यात आले. त्यांनी आपल्या भाषणात सहकारी बँकांच्या सामाजिक आणि आर्थिक विकासातील महत्त्वावर प्रकाश टाकला आणि साईबाबा बँकेच्या कार्याची प्रशंसा केली. तसेच, आष्टी शाखेमुळे स्थानिक नागरिकांना बँकिंग सेवा अधिक सुलभतेने मिळतील, अशी अपेक्षा व्यक्त केली.
कार्यक्रमाचे अध्यक्ष माजी आमदार हरिभाऊ काका लहाने होते त्यांनी आपल्या मार्गदर्शनपर भाषणात बँकेच्या पारदर्शक आणि ग्राहककेंद्रित सेवांचे कौतुक केले आणि स्थानिक समुदायाला बँकेच्या सेवांचा लाभ घेण्याचे आवाहन केले.
या लोकार्पण सोहळ्यामध्ये व्यासपीठावर पाथरी कृषी उत्पन बाजार समिती चे सभापती श्री अनिलराव नखाते, श्री बळीरामजी कडपे, श्री सुदामराव प्रधान, मधुकर मुळे, सुरेश राव हत्ते, कणसे शत्रुघ्न कणसे, रवी सोळंके, माजी नगरध्यक्ष श्री संदीप लहाने, श्री पवन आडळकर, बँकेचे उपाध्यक्ष श्री चंद्रशेखर मुळावेकर, संचालक श्री दतरावं आंधळे, मुख्य कार्य कारी अधिकारी श्री रामराव लाडाने ची उपस्थिती होति
कार्यक्रमाची सुरुवात दीपप्रज्वलन आणि साईबाबांच्या प्रतिमेच्या पूजनाने झाली. त्यानंतर प्रस्ताविक बँकेचे अध्यक्ष श्री हेमंत राव आडळकर यांनी बँकेचा प्रगतीचा आढावा घेणारा अहवाल सादर करण्यात आला. उपस्थित मान्यवरांनी बँकेच्या नवीन शाखेच्या माध्यमातून स्थानिक अर्थव्यवस्थेला चालना मिळेल, अशी आशा व्यक्त केली. यावेळी बँकेच्या विविध योजनांचा परिचय आणि ग्राहकांना मिळणाऱ्या सुविधांची माहिती देण्यात आली.
साईबाबा नागरी सहकारी बँक मर्यादित, सेलू ही आपल्या पारदर्शक व्यवहार, ग्राहकस्नेही धोरणे आणि सामाजिक बांधिलकीसाठी ओळखली जाते. आष्टी शाखेमार्फत ग्राहकांना बचत खाते, कर्ज सुविधा, ठेव योजना, डिजिटल बँकिंग आणि इतर आधुनिक बँकिंग सेवा उपलब्ध होणार आहेत. या शाखेच्या स्थापनेमुळे स्थानिक शेतकरी, छोटे व्यावसायिक आणि सर्वसामान्य नागरिकांना आर्थिक सक्षमीकरणासाठी पाठबळ मिळेल.
या सोहळ्याच्या यशस्वीतेसाठी बँकेच्या संचालक मंडळाने सर्व सभासद, ठेवीदार, ग्राहक, हितचिंतक आणि स्थानिक नागरिकांचे आभार श्री रामराव लाडाने यांनी मानले. तसेच, बँकेच्या कर्मचाऱ्यांनी आणि स्थानिक प्रशासनाने दिलेल्या सहकार्याबद्दल कृतज्ञता व्यक्त करण्यात आली.
साईबाबा नागरी सहकारी बँक मर्यादित, सेलू ही आष्टी शाखेच्या माध्यमातून स्थानिक समुदायाच्या आर्थिक गरजा पूर्ण करण्यासाठी कटिबद्ध आहे. भविष्यातही बँक आपल्या ग्राहकांना नाविन्यपूर्ण आणि विश्वासार्ह सेवा प्रदान करत राहील, अशी ग्वाही बँकेचचे चेअरमन श्री हेमंतराव यांनी दिली
या सोहळ्या प्रसंगी गजानन लिपणे भास्कर आढळकर रवी सोळंके व्यवस्थापक विटेकर,दत्ताराव पौळ,अविनाश आडळकर, गुलाबराव सोनवणे, निसार पठाण सुरेश आढे,आनंद मोरे, कैलास गव्हाणे सुनील आडळकर शेख अबूजर, उमेश खरावणे,संतोष जायभाय, विकास आकात यांनी परिश्रम केले.