सेलू ( प्रतिनिधी ) परभणी येथील होमिओपॅथीक अकॅडमी ऑफ रिसर्च अँड चॅरिटीज या संस्थेच्यावतीने बालकांचे मोबाईल व्यसन दूर व्हावे व बालकांमध्ये वाचन संस्कृती रुजावी आणि बालकांचा कला विकास मनोरंजक पद्धतीने व्हावा.या उद्देशाने सदरील कार्यशाळेचे आयोजन (ता. 6 जाने.) शनीवार रोजी करण्यात आले होते.
यावेळी व्यासपीठावर सरपंच श्री बुधवंत ,मुख्याध्यापक प्रकाश भालेराव , व कार्यशाळेचे मुख्य प्रवर्तक तथा कला शिक्षक पांडुरंग पाटणकर हे उपस्थित होते. कार्यशाळेचे उद्घाटन श्री बुधवंत यांनी केले. मोबाईल व्यसनापासून दूर राहण्यासाठी व वाचन संस्कृती रुजवण्यासाठी तसेच पर्यावरणाचा होणारा ऱ्हास थांबवण्यासाठी अशा उपक्रमांचे आयोजन करणे महत्त्वाचे असल्याचे यावेळी त्यांनी सांगितले.
या एकदिवशीय कार्यशाळेत पांडुरंग पाटणकर यांनी बालकांच्या आवडी ओळखून विविध खेळ, गाणी, ,कागदी वस्तू,हस्तकला, ग्रीटिंग कार्ड,वारली चित्रकला, टाळ्यांचे प्रकार या माध्यमातून बालकांचे मनोरंजन केले.
कागदी गॉगल्स हे आजच्या कार्यशाळेचे वैशिष्ट्य होते. यावेळी बालकांच्या चेहऱ्यावर आनंद दिसून येत होता. तल्लीन होऊन शाळेतील मुलांनी कृतीशील सहभाग नोंदविला. कार्यक्रमाचे सुत्रसंचलन सहशिक्षक श्री थोरात यांनी केले तर आभार सहशिक्षक श्री बोरकर यांनी मानले .कार्यशाळेस होमिओपॅथिक अकॅडमीचे मार्गदर्शक प्रा.शिवा आयथॉल व डॉ.पवन चांडक यांचे सहकार्य लाभले. कार्यशाळेस ऐकून 100 आजी माजी विद्यार्थी उपस्थित होते.
